اشعار عن السفر والبعد
ماكنت اظن الحـب للقلـب بـواق
وماكنت اظن العين في يوم تبكيـك
توي عرفت اني لك اليـوم عشـاق
في ساعةٍ حسيتنـا البعـد قاصيـك
اثر المحبه ماكنـه وسـط الاعمـاق
بركان خامد وانفجر قلـب يغليـك
يوم السفر ناوي على بعـد وفـراق
وعلى طريق البعد سارت خطاويـك
ضاق الصدر والكون من ضيقته ضاق
وحسيت وسط القلب هم ودواكيك
والدمع من عيني على خدي انسـاق
والحزن شيـد فـي حياتـي مماليـك
جوي بعد فرقـاك ماعـاد ينطـاق
اصبح على ذ**** وامسي بطاريـك
ماذقت طعم النـوم ياكـود تريـاق
وافز انا من النوم مفـزوع اناديـك
لازارني طيفك يجـي بيننـا اعنـاق
ويضرب بي الهوجاس واعيد ماضيك
ياشين فرقا من لـه القلـب يشتـاق
ياشينهـا شينـاه تظهـر خوافيـك
غريب الدار .. ومناي التسـلي ***** اسلي خاطري عن حب خلي
سمعت الشور من قاصر معرفه***** يحسب البعد عن داره يسلي
*من هجر الخلان .. وتركهم .. وفي النهايه .. بماذا ظفر ..؟ ]
غريب تارك بلاده ***** والاهل من أجل واحد ..
ضايع وضيع شبابه ***** ملوه حتى صحـــــــابه
*من سافر قهرا .. ما حال الدنيا عليه ..؟
في غربتي ..تغرب النور عن عيني **** وش حاجتي في نور عين غاب غاليها
امر السفر يانظر عيني قضى فيني **** نفسي على ماتعاف امر الله حاديها
*هذه مكاسبي من الغربه .. وهذا ما ظفرت به .. متناقضات .. وامور لا يقبلها عقل .. ولكن هاذي هي الغربه .. وهذه قصه غربتي ..من درس اصول الحياه على يدي الغربه .. من كانت له المعلم الاول في الحياه .. من جعلته صلبا قاسيا ..
في غربتي عارضت انا ركب الاغراب ***** اشد وانزل والليالي ركايب
اضداد واقران وعدوان واصحـاب ***** متناقضات الخلق ما غاب غايب
وقامت تجاذبني على درب الاسباب***** نفس الشباب حدها عقل شايب
*وفي النهايه .. اهدي هذه الابيات لكل مغترب ..
يا غريب الدار ..من دارك لفيت ***** انقل الاشواق واحمل لك سلام
كل روض وكل طعس وكل بيت***** ارسلوا معي سواليف وكلام
كلهم لك حلفوني لو حكيت ***** احلف انه الشوق جا حد الهيام
جديد مواضيع قسم مُعتكفُ النون
اشعار عن السفر والبعد
العرض العادي
